លោក Tony Robbins៖ បើចង់មានបាន ត្រូវអនុវត្តគោលការណ៍ចំណាយលើខ្លួនឯងមុនសិន មុនចំណាយឲ្យអ្នកដទៃ
ដោយសារតែបែបនេះហើយ បានជាអ្នកខ្លះទោះខំធ្វើការ និង ធ្វើជំនួញប៉ុណ្ណាក៏នៅតែមិនអាច សល់លុយកាក់ច្រើន ជាពិសេសសម្រាប់ការចំណាយនៅពេលចាំបាច់បំផុត ដូចជា ត្រូវព្យាបាលជំងឺ និង ដោះស្រាយបញ្ហាជាច្រើនទៀត។ វាប្រៀបដូចជា មនុស្សដែលព្យាយាមដើរលើកង់មួយដែលវិលថយក្រោយមិនឈប់ ដូច្នេះទោះព្យាយាមដើរទៅមុខយ៉ាងណា ក៏ទៅមិនរួច។
ដើម្បីចាក់ចេញពីស្ថានភាពដ៏អាក្រក់នេះ លោក Tony Robbins អ្នកនិពន្ធ និង ជាអ្នកជំនាញផ្នែកលើកទឹកចិត្តរបស់អាមេរិកបាននិយាយថា ត្រូវប្រកាន់យកគំនិតមួយដែលលើកឡើងថា « បើចង់មានបាន ត្រូវអនុវត្តគោលការណ៍ចំណាយលើខ្លួនឯងមុនសិន មុនចំណាយឲ្យអ្នកដទៃ-Pay Yourself First»។ ឃ្លានេះ គឺជាក្បូនរបស់ពួកបស្ចិមប្រទេសដែលបានអនុវត្តជាយូរឆ្នាំមកហើយ ដើម្បីធានាពីសុវត្ថិភាពផ្នែកហិរញ្ញវត្ថុរបស់បុគ្គលម្នាក់ៗ។
«ចំណាយលើខ្លួនឯងជាមុនសិន-Pay Yourself First» មានន័យថា មនុស្សម្នាក់ៗត្រូវតែ មានវិធីសាស្ត្រ និង គោលការណ៍ក្នុងការសន្សំប្រាក់ក៏ដូចជាការចំណាយសម្រាប់ខ្លួនឯងជា អាទិភាពជាជាងចំណាយឲ្យអ្នកដទៃ ព្រោះថាបើអ្នកមិនបានចំណាយសម្រាប់តែខ្លួនឯងទេនោះ អ្នកនឹងមិនងាយអភិវឌ្ឍខ្លួនឲ្យក្លាយជាអ្នកមានបានយ៉ាង ឆាប់រហ័សនោះឡើយ
…អានសម្រង់សម្ដីទាំង៦ឃ្លានេះ ជួយឲ្យអ្នកយល់ច្បាស់អំពីតម្លៃជីវិត ជាជាងរស់នៅគ្រាន់តែដើម្បីតែលុយ!…
«អ្នកខ្លះមិនសូវខ្វល់អំពីចំណុចនេះឡើយ ព្រោះអាងថា ខ្លួនមានលុយច្រើនក្នុងដៃទៅហើយ ដូច្នេះរាល់ការចំណាយផ្សេងៗគឺមិនចាំបាច់ខ្វល់ច្រើន។ ប៉ុន្តែ ភាពមានបាន មិនអាចបន្តរហូតឡើយ ព្រោះជីវិតមនុស្សគឺតែងឡើងចុះមិនទៀង ដូច្នេះបើមិនត្រៀមទុកខ្លះទេ ពួកគេនឹងស្តាយក្រោយមិនខាន»។ នេះជាប្រសាសន៍ចុងក្រោយរបស់លោក Tony Robbins។
0 comments:
Post a Comment