ប្រវតិ្ត​ Apple Logo

រូប Logo របស់​ Apple បានកកើតឡើងក្នុងឆ្នាំ ១៩៧៦​ រហូតមកដល់បច្ចុប្បន្ននេះ។

                                        រូប Logo ដំបូងរបស់ Apple ក្នុងឆ្នាំ១៩៧៦

 រូប Logo ខាងលើនេះគឹជារូបដំបូងបំផុតដែលបានរចនាឡើងដោយលោក Ron Wayne សហស្ថាបនិក​របស់ Apple ក្នុងឆ្នាំ ១៩៧៦។ សហស្ថាបនិក​រូបនេះបានប្រើប្រាស់រូបអ្នកប្រាជ្ញរូបវិទ្យាដ៏ល្បី ដែលបានរកឃើញច្បាប់ញូតុនគឺលោក Sir Isaac Newton កំពុងអង្គុយក្រោមដើមផ្លែប៉ោម ធ្វើជារូបតំណាងឲ្យ Logo របស់ក្រុមហ៊ុន។

                      រូប Logo ផ្លែប៉ោមពណ៌ឥន្ទធនូ​ (ចុងឆ្នាំ ១៩៧៦​ រហូតដល់ឆ្នាំ ១៩៩៨) 

  តែក្រោយមកក្នុងឆ្នាំដដែលក្រុមហ៊ុន Apple បានប្ដូរទៅប្រើប្រាស់រូបផ្លែប៉ោម ពណ៌ឥន្ទធនូដែលមានស្នាមខាំបាត់មួយចំណិតរចនាឡើងដោយលោក Rob Janoff  ជំនួសមកវិញ។ ប្រភពបានបញ្ជាក់ថា ហេតុដែលរូប Logo ផ្លែប៉ោមបាត់មួយចំណិតគឺដោយសារតែក្រុមហ៊ុន Apple ចង់ឲ្យអតិថិជន ចំណាំរូប Logo របស់ខ្លួនកុំឲ្យច្រឡំនឹងរូបផ្លែឈើផ្សេងទៀតដែលមានរូបសណ្ឋានស្រដៀងគ្នា។

                                        រូប Logo​ បច្ចុប្បន្ន​ ប្រើពណ៌ខ្មៅ និងទឹកប្រាក់

 ក្រុមហ៊ុន Apple បានប្រើប្រាស់ Logo ផ្លែប៉ោមពណ៌ឥន្ទធនូនេះចាប់ពីឆ្នាំ ១៩៧៦ រហូតមកដល់ឆ្នាំ ១៩៩៨ តែក្រោយមកក្រុមហ៊ុន Apple បានដកពណ៌ឥន្ទធនូចេញដោយជំនួសមកវិញនូវរូប Logo ដែលមានពណ៌ខ្មៅ ឬទឹកប្រាក់រហូតមកដល់សព្វថ្ងៃនេះ។
ឧទាហរណ៍៖

Iphone 4 និង​ 4s ប្រើ Logo ពណ៌ទឹកប្រាក់

 

 

IPad 2 និង The New IPad ប្រើ Logo ពណ៌ខ្មៅ 

 

IMac​ ស៊េរីចាស់ប្រើ Logo ពណ៌ឥន្ទធនូ